Tema për pasuesin e Ilir Metës apo presidentin e ri të Shqipërisë vazhdon të jetë aktuale edhe pas dështimit të dy seancave të mbajtura për propozimin e emrit.
Zgjedhja e presidentit të ri ka tërhequr vëmendjen e mediave të huaja. “Askush nuk do të bëhet president në Shqipëri”, shkruan në një artikull e përditshmja austriake “Kurier”.
“Shqipëria ka presidentin deri më 24 korrik. Në këtë datë i skadon mandati kreut aktual të shtetit shqiptar, Ilir Meta. Për momentin është jashtëzakonisht e pasigurt se kush do ta pasojë, sepse asnjë parti parlamentare nuk ka propozuar kandidat për raundin e dytë të zgjedhjeve presidenciale. Afati i regjistrimit ishte dje, e diel, ora 16:00.
Sipas procedurës aktuale, Presidenti i Shqipërisë zgjidhet në pesë raunde. Seanca e Kuvendit është caktuar për të hënën, kur duhet të zhvillohet edhe votimi i dytë. Për shkak të mos regjistrimit të kandidatëve, kjo paraprakisht konsiderohet e pasuksesshme”, raporton “Kurier”.
Diskutime rreth kësaj post