Kanddiati i Koalicionit Bashkë Fitojmë, Fredi Beleri, ka fituar zgjedhjet lokale në Himarë, edhe pse ndodhet në bur, pasi u arrestuar disa ditë më parë nën akuzën për vjedhje votash.
Beleri ka fituar me një diferencë prej 19 votash ndaj kundërshtarit të tij, Jorgo Goro.
Lidhur me rezultatin e zgjedhjeve ka reaguar dhe kreu i PBDNJ-së, Vangjel Dule i cili tha se kjo fitore është triumf për Belerin dhe se së shpejt do të jetë në zyrën e kryetarit të bashkisë.
“Triumf, është triumf për zotin Beleri. Zoti Beleri do të jetë shumë shpejt në zyrën e kryetarit të bashkisë. Nuk ka asnjë provë. Sigurisht që do dalë nga aty. Populli e liroi”, tha ai.
Pas fitores së Belerit, mbështetës të tij kanë zbarkuar para zyrës së OMONIA-s dhe zyrës elektorale të kreut të ri të bashkisë ku po festojnë.
Diskutime rreth kësaj post