Më 1 Korrik rritje rroge për punonjësit e Policisë së Shtetit

Më 1 korrik do të jetë rritja e pagave e punonjësve të policisë.

Këtë lajm e deklaroi vetë ministri i Brendshëm Taulant Balla për gazetarët në përfundim të mbledhjes së qeverisë:

“Lajmin e shumëpritur më 1 Korrik do ta kenë të realizuar!”

Ai theksoi se ky vlerësim financiar vjen prej fondit në buxhetin e shtetit prej 400 mln dollarësh, prej të cilit do përfitojnë edhe punonjës të sektorëve të tjerë. Sipas ministrit, këtë vit në fokus të punës së tyre është garantimi i sigurisë publike duke marrë parasysh edhe numrin e lartë të vizitorëve të huaj që pritet të mbërrijnë në Shqipëri.

“Policia e Shtetit e meriton këtë vlerësim, duke marrë parasysh sfidat e mëdha, fokusi kryesor është mirëmenaxhimi i sezonit turistik, sepse këtë vit presim një tjetër rritje historike të numrit të turistëve”, tha Balla.