Mbretëresha e popit Madonna, pas 5 muajsh lidhje, është ndarë nga i dashuri i saj 23-vjeҫar Andrew Darnell.
Ylli 64-vjeçar, është sërish beqare, ku sipas DailyMail, ajo nuk kishte dallime të mëdha me modelin e ri, por të dy arritën në përfundimin se marrëdhënia e tyre nuk po ecën përpara.
“Ishte një gjë e rastësishme, kështu që ajo nuk është e shkatërruar. Thjesht ndodhi në një kohë të keqe”, tha një burim për Page Six. Ylli, siç raporton një person nga ambienti i saj, pas ndarjes nga partneri 41-vjet më i ri, po kalon një “krizë vetëbesimi”, dhe kjo ndoshta më shumë për shkak të komenteve negative që ka marrë së fundmi nga ndjekësit për pamjen e saj.
Ish-çifti, bëri daljen e parë publike së bashku në shtator në rrugët e Nju Jorkut, duke shkëmbyer puthje.
Pak ditë më parë, Madonna dha përgjigjen e saj për ata që komentuan performancën e saj në Grammy të këtij viti.
Ajo foli qartë për mizogjininë dhe tashmë duket se ylli 64-vjeçar, mund të qeshë vetëm me atë që u shkrua pas paraqitjes së saj, në ceremoninë e ndarjes së çmimeve.
Në veçanti, ajo ngarkoi një foto të saj dhe një koment në Twitter.
“Shiko sa e lezetshme jam tani që iku ënjtja nga operacioni, po qesh me të madhe”.
Në njëfarë mënyre, Madonna zgjodhi t’u përgjigjet komenteve të ashpra për pamjen e saj.
Diskutime rreth kësaj post