Mbeten mister shpërthimet e forta në mes të natës në Lezhë, banorët e frikësuar: U dëgjua fort, tronditi edhe tokën, ja ç’na panë sytë

Mbrëmë në Lezhë janë dëgjuar dy shpërthime dhe ende nuk dihet se nga erdhën dhe ëfarë i shkaktoi. Banorët janë ende të frikësuar. “ABC” sjell dëshmi të reja të banorëve nga Shëngjini në Tale.

“Banesa u trondit, xhamat kërcitën dhe menjëherë kemi dalë jashtë, por nuk pamë asgjë. Nuk e kemi idenë se çfarë ka ndodhur, por zhurma erdhi nga deti dhe frika ishte shumë e madhe. Dukej që zhurma vinte nga ana e detit sikur diçka të kishte shpërthyer në ajër., tha njëri.

Unë isha duke peshkuar kur fillimisht pati një shpërthim që u dëgjua fort dhe tronditi edhe tokën, më pas pati edhe një shpërthim të dytë por nuk pashë asnjë flakë apo dritë drejt shikimit nga vinte kjo zhurmë., tha banori.

“Nga frika së bashku me kolegun tim kemi lënë peshkimin dhe kemi shkuar në shtëpi. Ishte një natë e gjatë plot frikë dhe panik” tha një tjetër banorë në Ishull Shëngjin. Lëvizje avionësh nuk u konstatua, apo shpërthime në tokë a det, duke lënë ende mister origjinën e shpërthimeve.”, tha një tjetër.