Mbesa e Përfaqësueses së Lartë të BE-së, Federica Mogherini, Gaia është kapur duke shpërndarë kokainë dhe ka përfunduar në prangat e policisë italiane.
Lajmi është bërë i ditur nga mediat italiane, ku thuhet se mbesa 28 vjeçare e Mogherinit është në mesin e grupit të arrestuar, të cilët shpërndanin kokainë në lokalet e natës.
Një aksion i madh i policisë italiane, ka bërë që në pranga të arrestohen 21 persona, mes të cilëve edhe mbesa e Përfaqësueses së Lartë të BE-së.
Sipas hetimeve, 5 prej të arrestuarve janë kapur në kushtet e flagrancës, duke shpërndarë kokainë, ndërkohë që 16 të tjerët, mes të cilëve edhe Gaia Mogherini, akuzohen si bashkëpunëtorë.
Grupi merrej kryesisht me shpërndarjen e kokainës në dy lokale në veçanti gjatë natës, ndërsa zinxhiri i furnizimit përfshin edhe zonat si San Giovanni, Anagnina dhe La Rustica, deri në zonën Casilina.
Në cilësinë e provës materiale, janë sekuestruar kokainë 97 për qind e pastër, si dhe armë zjarri në posedim të të arrestuarve.
Për Gaia Mogherinin, kjo nuk është hera e parë që ka telashe me policinë. Ajo është arrestuar edhe tetor të vitit 2016 për të njëjtën akuzë. Ajo është vajza e vëllait të Federica Mogherinit, Përfaqësuese e lartë e BE-së për punët e jashtme.
Diskutime rreth kësaj post