Kreu i Partisë Demokratike Lulzim Basha ka dalë para pak minutash në një konferencë për shtyp, ku u bëri apel mjekëve që flasin për situatën. Basha u shpreh se sa më shumë të flasin specialsitët, më të qetë do të jenë qytetarët. Basha gjithashtu u bëri apel qytetarëve që të mos jenë panik por të respektojnë rekomandimet.
Lulzim Basha: Të gjithë duan të dëgjojnë zërin tuaj. Sa më shumë të flisni ju aq më të qetë do të jenë qytetarët. Të gjithë ju që vini nga Italia e veriut dhe që keni simptoma kontaktoni mjekët dhe shmangi kontaktet me të afërmit. Sot nuk është koha për panik por për kujdes maksimal. Sa më të kujdesshëm të jeni sot aq më mirë do të përballohet kjo situatë me pasoja minimale.
Dua të përsëris thirrjen drejtuar maturiteteve bërë dy javë më parë për të marrë masat për të përballuar situatën. Fondet e mjaftueshme, mobilizimi maksimal dhe transparenca janë tre komponentë të rëndësishëm politikë që nuk duhet humbur kohë. Ne do monitorojmë situatën. Ekspertët tanë do jenë në terren për të ndjekur situatën hap pas hapi. Grupi i punës në PD do të bëjë gjithçka për të qenë sa më afër njerëzve.
Diskutime rreth kësaj post