Kryetari i Partisë Bindja Demokratike Astrit Patozi ka komentuar diskutimin e gjatë të nisur prej disa ditës mes palëve për të arritur një dakordësi për Reformë Zgjedhore. Për Patozin kjo është e gjitha një farsë.
“Nuk pres asgjë prej asaj tryeze. Ky është një teatër i pisët i të gjithë ambientit politik në Shqipëri. Këta po grinden për asgjë. Nëse do bien dakord. Gjithë ky investim mbi gjelat politikë bëhet për asgjë.
Ata po zihen për mustaqet e Çelos, që të mos bëjnë atë që duhet të bëjnë. Sistemi është A-ja. Të fillosh nga sistemi, për të çarë sulltanatin modern. Për të evituar atë që duhet të bëjnë që e kanë detyrim për ta bërë, po bëjnë sikur zihen për një gjë të parëndësishme.
Kjo po bëhet sepse është pak më e mirë se asgjë. Aktori ndërkombëtar është duke e vuajtur me të dy palët. Për çështjet e mëdha që duhet të diskutojë politika sot nuk mjaftojnë rekomandimet e OSBE-ODHIR”, tha Patozi për abc news.
Diskutime rreth kësaj post