Mark Marku sfidon kryeministrin: Nëse Kushtetuesja s’e shkarkon Metën, Rama të dorëhiqet

Deputeti i zgjedhur i PD në qarkun e Lezhës, Mark Marku tha në Opinion se vendimi për shkarkimin e presidenti Ilir Meta është i rëndë, ndërsa shtoi se nëse Gjykata Kushtetuese i jep të drejtë Presidentit, atëherë kryeministri Edi Rama duhet të dorëhiqet nga posti i tij.

Deklarata e Markut:

“Është një akt i rëndë që nuk ka ndodhur kurrë më parë veçse në vitin 1921. Sepse përbën precedent. Duhet të bëhej një debat për mënyrën se si e ushtron dhe ka ushtruar ai rolin. Parlamenti është ilegjitim se nuk ka 140 deputetë.

Nëse Gjykata Kushtetuese nuk e miraton, i bie që Parlamenti e ka shkelur kushtetutën. I bie që të japë dorëheqjen Rama pastaj,”-tha Mark Marku.