Deputeti i zgjedhur i Partisë Demokratike Mark Marku, ka reaguar lidhur me analizën që duhet të bëhet në Kuvendin Kombëtar të Partisë Demokratike ditën e diel, por jo vetëm.
Marku shprehet se që prej zgjedhjeve të vitit 1992 Partia Demokratike nuk ka qenë kurrë parti me shumicën e votave edhe në rastet kur ka fituar. Sipas tij ky është një fakt që nuk duhet anashkaluar dhe duhet të nxisë në hapjen e partisë.
“Më në fund, PD duhet të përballet me faktin se qysh prej zgjedhjeve të marsit të vitit 1992, PD nuk është parti me numrin më të madh të votave, madje edhe kur është parti fituese e zgjedhjeve. Ky fakt i përmendur shpesh nga kundërshtari është anashkaluar vazhdimisht, a thua se anashkalimi i saj e zgjidh vetë problemin.
Zgjidhja e këtij problemi nënkupton jo vetëm një ide hapjeje, por një ristrukturim të marrëdhënieve të PD-së me grupet e intereset, shoqerinë civile, botën akademike, mediat, pra, me shoqerinë shqiptqare në tërësi. Për shkak të ngurtësimit 30 vjeccar të këtyre marrëdhënieve në PD, mendohet gabimisht se nevoja e trupës politike të PD-së për pushtet është dhe nevoja e shoqerisë shqiptare”, tha Marku.
Diskutime rreth kësaj post