Manjani shpërthen në ironi dhe i bën propozimin e papritur qeverisë shqiptare për Kinën

Ish-ministri i Drejtësisë Ylli Manjani nëpërmjet një postimi në rrjetet shprehet se në të vërtëtë në luftën kundër koronavirusit na ka ndihmuar më shumë Kina sesa SHBA.

Ndërsa nuk i kursen ironitë me BE, për të cilën shprehet se deri më tani na ka ndihmuar vetëm me deklarata.

Manjani ka shkruar:

“Me thënë të drejtën Kina na ka ndihmuar më shumë sesa SHBA me paisje testimi e maska për personelin mjeksor.

Kina shkarkoi një avion me paisje, ndërsa SHBA një bagazh foristrade.

Ndërsa BE hë për hë vetëm me deklarata nga ka ndihmuar..

Ama për “bagazhin” e SHBA të gjithë në kor bënë deklarata përshëndetëse. Për avionin e nga Kina, vetëm një Zv.ministre e lodhur falenderon.

Nuk është se e kemi idhull Kinën, por një FALEMINDERIT nuk kushton asgjë. Përkundrazi është detyrë!

Është edukatë!

Është mirnjohje!”, shkruan Manjani.