Shumëkujt në Shqipëri e Kosovë i ka rënë për keq në sy që Shqipëria u bë bashkë me vendet ish-jugosllave një ditë më parë, ndërkohë që Kosova ishte përjashtuar nga Samiti i Ohrit.
Pikërisht për këtë arsye, rrjeti ka prodhuar disa meme. Ish-kryeministri Sali Berisha postoi një prej tyre me diçiturën: “U betua për në BE, por shkon në Jugosllavine e Re!!”
Por kjo nismë ka prodhuar debate edhe brenda Partisë Socialiste.
Burime të dosja.al thonë se në kryesinë e Partisë Socialiste dhe në mbledhjen e qeverisë, ka patur një debat jo shumë të moderuar mes Kryeministrit dhe Ministrit të Diasporës, Pandeli Majko. Ish- Kryeministri gjatë luftës në Kosovë e ka quajtur këtë një lëvizje të gabuar, që dëmton interesat e Kosovës dhe që i jep pikë vetëm propagandës serbe për fqinjësi të mirë.
Debatet kanë qenë të ashpra edhe për faktin se Rama nuk ka pranuar të marrë mendimin e Majkos. Ministri i Diasporës, qe ndodhet në Bruksel këto ditë, ka qenë ne dilemë nëse duhet të bënte një deklarim publik kundër takimit të Ohrit.
Diskutime rreth kësaj post