Dëmtimi i pësuar ditë më parë i pati efektet e tij në garën zyrtare të zhvilluar nga atletja Luiza Gega. Shqiptarja është renditur në vendin e 8-të na kampionatin botëror, që po zhvillohet Hungari. Forma e kampiones së Evropës nuk ishte më e mira e mundshme, ndikuar këtu nga disa faktori, por sërish e arriti ta mbyllte garën duke mos pësuar asnjë penalizim.
Koha e vendosur ishte 9 minuta, 10 sekonda, 27 të qindtat, duke u renditur kështu në vendin e tetë, por ka mundur të sigurojë një biletë për lojërat olimpike që zhvillohen në Paris. Në pjesën e parë të garës, Luiza Gega po luftonte ndaj atleteve më të mirë të kompeticionit, por më tej ritmi i saj ra, duke e humbur vendin e 7-të me vetëm 1 të mijtat.
Në vendin e parë u rendit Yavi nga Bahreini, e ndjekur nga dyshja keniane Chepkoech–Cherotich. Pavarësisht renditjes kjo mund të konsiderohet një garë e suksesshme e Luiza Gegës, e cila është kampionja në fuqi e Evropës në garën e 3 mijë metrave me pengesa, ndërsa synon medalje dhe vitin e ardhshëm në lojërat olimpike të Parisit. Kujtojmë se në këtë kampionat botëror, Shqipëria garonte dhe me atletin tjetër Franku Burraj, në garën e 200 metrave.
Diskutime rreth kësaj post