Kreu i PD, Sali Berisha gjatë përvjetorit të ditëlindjes se 60- të të ndejrit Azem Hajdari, është shprehur se vula dhe logoja e Partisë Demokratike iu iu jepet pengjeve të Ramës.
Ai ndër të tjera deklaroi se do të marrin pjesë në zgjedhjet e 14 majit dhe do t’i japin goditjen rregjimit mafioz e anti-kushtetues.
“Bëjnë gjithçka që të mos hyjmë në zgjedhje duke i dhënë vulën dhe logon pengjeve që kanë marrë. Ne do mbetemi parti me vlera evropiane dhe aleatët tanë do mbeten SHBA-të. Njerëz si Edi Rama përdorin si mburojë faktin që SHBA nuk korruptohet, por ai dhe McGonigal janë tradhtarë të kombeve përkatëse dhe së bashku do marrin fundin që meritojnë. Ne mbetemi të angazhuar që në këto zgjedhje të marrim rezultatet më të mëdha dhe t’i japim goditjen më të fuqishme regjimit të Edi Ramës. Ne do marrim pjesë në zgjedhje!
Kudo që shkoj gjej një klime entuziazmi si kurrë më parë. Ekziston e drejta për shqiptarët, edhe për ata që kanë pasur vërejtje. Rama bashkë me të korruptuarit e tjerë po bën gjithçka për të krijuar një pseudo opozitë. Ata janë armiq dhe nuk kanë asnjë lidhje me lirinë.
Azemi sot është më i gjallë se kurrë, njëlloj si ngrihej mbi supet e studentëve në dhjetor dhe ne sot të frymëzuar nga ai do vijojmë betejën tonë në të gjitha fushat në një revolucion të pandalshëm deri në përmbysjen e këtij regjimi mafioz që nuk meriton të qeverisë Shqipërinë asnjë ditë”, deklaroi Berisha.
Diskutime rreth kësaj post