Izraeli i dorëzoi 1 miliard dollarë Autoritetit Palestinez të mërkurën, thanë të dyja palët, si shenjë e rifillimit të lidhjeve të ngrohta midis palëve, pas fitores së Joe Biden në zgjedhjet presidenciale në SHBA.
Taksat, të administruara nga Izraeli nën marrëveshjet e përkohshme të paqes që nga vitet 1990 zakonisht dorëzohen çdo muaj. Ato përbëjnë më shumë se gjysmën e buxhetit të Autoritetit Palestinez, ekonomia e të cilit është goditur rëndë nga pandemia e koronavirusit.
Transferimi prej 3,77 miliardë siklave ose 1,14 miliardë dollarëve është i pari që nga qershori, kur palestinezët anuluan dorëzimin për shkak të planeve të kryeministrit izraelit Benjamin Netanyahu, të pezulluara aktualisht, për të aneksuar pjesë të Bregut Perëndimor.
Palestinezët refuzuan paratë kesh, disa herë në 2019-n, pasi Izraeli shkurtoi shumën për hakmarrje, për fondet që shkuan për familjet e militantëve të burgosur ose të vrarë. Zakonisht, arrin në rreth 190 milionë dollarë në muaj. Ministria Izraelite e Financave konfirmoi detajet.
Autoriteti Palestinez nuk ka qenë në gjendje të paguajë pagat e plota të 130 000 punonjësve të tij në muajt e fundit. Kryeministri palestinez Mohammad Shtayyeh tha këtë javë se do të paguante pagat e plota sapo të merrte paratë e taksës.
Izraeli ngriu planet e tij të aneksimit në gusht si pjesë e një marrëveshje për të krijuar lidhje diplomatike me Emiratet e Bashkuara Arabe. Palestinezët në nëntor thanë se po rifillonin bashkëpunimin civil dhe të sigurisë me Izraelin. Njoftimi erdhi rreth dy javë pasi Biden mundi në zgjedhje Donald Trump në garën presidenciale të SHBA-së.
Presidenti palestinez Mahmoud Abbas që nga ajo kohë ka treguar se do të heqë dorë nga bojkoti i tij politik 3-vjeçar i Shtëpisë së Bardhë.
“Tani për tani ne po u dërgojmë mesazhe të qarta jo vetëm izraelitëve, administratës së Biden, por edhe evropianëve dhe shumë të tjerëve që Palestina dhe palestinezët janë të gatshëm të ribashkohen plotësisht me Izraelin”, tha ministri i Jashtëm palestinez Riyad al-Maliki në një videokonferencë më 26 nëntor.
Diskutime rreth kësaj post