Analisti Ilir Kalemaj komentoi sot në emisionin ‘Ditari’ nismën e Sali Berishës kundër Lulzim Bashës, pasi ky i fundit e përjashtoi nga grupi parlamentar i PD-së.
Kalemaj tha se kjo nismë e Berishës i ngjan me lëvizjet e Fatos Nanos për t’u rikthyer si faktor i rëndësishëm. Megjithatë, ai theksoi se për Berishën është shumë e vështirë të rimarrë kontrollin e Partisë Demokratike.
“Lëvizja e Berishës ngjan disi me lëvizjen e Nanos për katarsis, më pas lëvizja Nano 2, e cila ishte së bashku me Petro Koçin, për t’u rishfaqur si faktor i rëndësishëm brenda PS. Në rastin e Berishës, më shumë se sa një sfidë për kryetar ndaj Bashës, është një mënyrë për të diktuar agjendën e Bashës dhe nga një anën për të bërë të mundur që të ketë një rikonceptim të PD-së post Basha.
Por, a do të arrijë Berisha të sfidojë kryetarin aktual dhe të rimarrë partinë nën kontrollin e tij direkt apo indirekt? Unë mendoj se është shumë e vështirë, në mos e pamundur, që ta realizojë një gjë të tillë”, – u shpreh Kalemaj.
Diskutime rreth kësaj post