Pas letrës që ambasadorja e Shteteve të Bashkuara të Amerikës, Yuri Kim, që iu dërgoi ditën e sotme krerëve të partive politike në vend, ka reaguar avokati Ylli Manjani.
“Nëse Partitë Shqiptare nuk mendojnë se populli shqiptar meriton kandidatë seriozë; që dinë të bëjnë ligje, të kontrollojnë qeverinë e të mbrojnë interesin publik, është e kotë të mendojmë që këtë standart do na e garantoka Ambasada Amerikane!”, shprehet Manjani.
Ai shton se këtë detyrë nuk na e bëjnë dot ambasadat. ”Kur përpiqen të na i bëjnë këto detyra veç na ngatërrojnë më shumë se ç’jemi të nakatosur me veten”, përfundon Manjani.
Postimi i Manjanit:
“Nëse Partitë Shqiptare nuk mendojnë se populli shqiptar meriton kandidatë seriozë; që dinë të bëjnë ligje, të kontrollojnë qeverinë e të mbrojnë interesin publik, është e kotë të mendojmë që këtë standart do na e garantoka Ambasada Amerikane!
Se ja u futën në lista kandidatë të pazotë e të papërshtatshëm, e ça pastaj?!
Ç’punë i prishet Ambasadës?! Sa të tillë ka ende në vendimmarrjen e shtetit, të dalë nga zgjedhje të bekuara nga Ambasada Amerikane madje?!
Ja ua refuzoi dhe vizat në Amerikë atyre që zgjidhen e ça pastaj?! Ata mbeten përfaqësues të zgjedhur të popullit pas propozimit të partive.
Megjithë respektin e madh që kam për ambasadadat, këto çështjet e të zgjedhurve nuk i kanë fare në dorë. Po fare fare. Koha e ka provuar qartë këtë gjë. Përveçse janë totalisht janë mandatit diplomatik për të cilin janë dakortësuar me shtetin tonë. Dakort… me palo shtetin tonë… Me atë që na ndodhet.
E përsëris dëmi i përzgjedhjes së derdimenëve, të fortëve e bisnesmenëve në parlament i bëhet drejtpërdrejt popullit shqiptar. Asnjë populli, qeverie apo ambasade të një vendi tjetër.
Pavarësisht ndihmës që këto të fundit përpiqen të na japin, ka disa gjëra nuk nuk importohen dot. Ashtu siç zbatimi i ligjit nuk është detyrë e asnjë ambasade të huaj në asnjë vend të rruzullit.
Nuk jam sovranist, por realist. Ne do jemi pjesë e perëndimit vetëm nëse dimë të ndërtojmë shtet, demokraci dhe shoqëri të lirë.
Po këtë detyrë nuk na e bëjnë dot ambasadat, megjithë respektin. Kur përpiqen të na i bëjnë këto detyra veç na ngatërrojnë më shumë se ç’jemi të nakatosur me veten…”, ka shkruar Manjani.
Diskutime rreth kësaj post