Lëkundet sërish toka, ku ishte epiqendra dhe sa i fortë ishte tërmeti

Toka është lëkundur sërish pak minuta më parë. Pasgoditja është regjistruar me epiqendër në Gjirin e Lalzit. Tërmeti pati një magnitudë 3.4 ballë, ndërsa thellësia e matur ishte 24 kilometra.

Toka vijon të lëkundet që prej tërmetit tragjik të 26 nëntorit, i cili shkaktoi 52 të vdekur dhe rreth 1 mijë të lënduar, për të mos llogaritur dëmet materiale që nga të dhënat paraprake duket se janë tepër të mëdha.