Belind Këlliçi ka njoftuar në Facebook se ka fituar gjyqin kundër Elio Janit, drejtori të Transportit të Durrësit i cili e kishte paditur për shpifje.
Postimi i Këlliçit:
“Sot fitova gjyqin ndaj Elio Janit. Drejtori i Transportit të Durrësit më kishte paditur për shpifje në lidhje me deklaratën time publike për masakër zgjedhore në qarkun Durrës.
Ky ishte gjyqi i fundit për vitin 2021 në Gjykatën e Posaçme Kundër Korrupsionit dhe Krimit të Organizuar, njohur shkurtimisht si GJKKO.
Një vit betejash gjyqësore që mbyllet me fitore e që bëhet ogur i mirë për betejat e ardhshme.
Dje fitova një tjetër gjyq.bMe Mirel Mërtin. Edhe ai më akuzonte për shpifje. Sot është në arrati.
Pirg le të bëhen paditë!
Nuk trembem, se jam me të vërtetën.
Falenderoj dhe i jam mirënjohës avokatit të shkëlqyer Ledio Nuraj, për mbrojtjen dinjitoze që i bën kauzave opozitare!
Ky vit gjyqësor në GJKKO u mbyll me mua. U mbyll me fitore dhe me drejtësi.”, ka shkruar ai.
Diskutime rreth kësaj post