Doktor Leonard Solis ka shprehur shqetësimin pas përhapjes së koronavirusit në Shqipëri. I ftuar në ‘ABC News’, Solis tha se procedurat ndiqen hapa pas hapi. Gjithashtu ai theksoi se pacientët nuk duhet të qëndrojnë të përzierë.
“Është një trend që do të vijë duke u rritur. Është më mirë një gjeneral e sëpatë sesa dy gjeneralë që japi urdhra të ndryshëm.
Instituti i shëndetit Publik po e ndjek hap pas hapi këtë situatë. Ajo që ndodhi në Itali edhe pse është me një shtet të fuqishëm u gjunjëzua. Është një pandemi që kërkon masa shëndetësore dhe masa ushtarake. Nuk është një garë 100 metërsh është një maratonë , mund të zgjasë dy muaj apo tre muaj”, tha Solis.
Si i orientoni pacientët në momentin që paraqiten?
“Strukturat privat do të vazhdojnë funksionin e tyre. Personat që bëjnë dializë janë më të ekspozuar janë një shtresë në rrezik, pasi kemi edhe pacientë kancerozë.
Problemi është mënyra e ndihmës që i jepet njerëzve. Në rastin e të dhënave të ngjashme ne e izolojmë pacientin. Kur teshtin Kina, sëmuret e gjithë Europa. Nuk mund të trajtosh të përzierë pacientët”, u shpreh Solis.
Gjithashtu ai tha se janë marra masa drastike në të gjitha shtetet. Siç është Italia sot mund të jenë edhe vende të tjera.
Në Shqipëri është shpërndarë në katër vatra, sa e kemi stafin mjekësor për të gjurmuar situatën?
“Deri tani situata është e përballueshme, por ka skenarë që do të preken jashtëzakonisht shumë.
Karantinë i thonë 40 ditë, dhe për siguri ishte afati maksimal, ndërsa sot është 14 ditë. Shqipëria nuk është Shqipëria e Enver Hoxhës, ka hyrje dhe dalje pa fund” – ka përfunduar ai.
Diskutime rreth kësaj post