Ambasadori i BE-së në vendin tonë, Luigi Soreca, ishte i ftuar emisionin ‘Dita Jonë’ komentoi masat e qeverisë shqiptare për pandeminë dhe ndryshimet në Kodin Penal.
Ai i ka bërë thirrje qeverisë se tani është koha që të mendojë se kur do t’i jepet fund gjendjes së emergjencës.
“E kam ndjekur nga afër këtë çështje. Jo vetëm në cilësinë time si qytetar që jetoj këtu, por edhe si ambasador, kam qenë në kontakt të vazhdueshëm me institucionet. Masat e ndërmarra janë në përputhje dhe në të njëjtën linjë me shtete të BE-së, nga izolimi te nevoja që u pa për të mbushur një boshllëk në Kodin Penal.
Unë mendoj se është koha që të mendojmë se kur do t’i jepet fund gjendjes së emergjencës. Qeveria e ka të gjithë informacionin për situatën. Çdo masë duhet të jetë për një kohë të caktuar dhe të mos zgjasë për një kohë të gjatë.” – tha ambasadori.
Diskutime rreth kësaj post