Kryeministri Edi Rama e cilësoi një prioritet luftën ndaj korrupsionit të zyrtarëve të lartë. Gjatë prezantimit të kryenegociatorit të BE, Zef Mazi, Rama u pyet se kur do të shihen rezultatet e para në këtë drejtim, duke qenë një nga kushtet e integrimit në BE.
Ai u ndal te reforma në drejtësi, të cilën e quajti një maratonë që do pasojë më pas edhe me hapa të tjerë.
“Lufta ndaj korrupsionit të zyrtarëve të lartë është prioritet. Nuk jam as prokuror, as gjykatës dhe nuk kam mandat për hetuar dhe arrestuar njerëz. Një parti politike nuk arreston njerëz.
Unë nuk jam as prokuror as gjykatës e as nuk kam mandat, as për të hetuar e as për të arrestuar. Është një përgjigje që fatkeqësisht duhet ta jap në 2020 për shumë njerëz që ngatërrojnë sistemin ku jetojmë me vitin 1945. S’jemi në 1945.
Ajo që ka detyrë partia është ajo që kam bërë unë, që nuk guxoi ta bëjë tjetër kush para nesh, reformimi i drejtësisë që ka sjellë si rezultat goditjen e kastës më të korruptuar në botën shqiptare jo politikanët, zyrtarët e lartë, por elita e gjyqësorit e drejtësisë.
Ka bërë pazar 30 vjet me të drejtat e dynjasë. I ka dhënë licencë krimit. Kjo goditje po ndodh nga vettingu, unë i pari do doja të ishte si një sprint, por është një maratonë. Bëhet fjalë për të ngritur shtet nga e para në këtë drejtim. Ka akoma shumë llum, por do kohën e vet.
Do ndodhë, por duhet durim e të kuptojmë se këto nuk ndodhim se duam të ndodhin sot, apo do apo s’do qeveria në pushtet, por si rezultat i sistemit të ngrihet, forcohet dhe godet.
Integrimi është i lidhur me rezultatet. Ne duhet të mbështesim reformën në drejtësi, duhet ta mbrojmë nga shtrembërimet, financiarisht sistemin, të garantojmë që politika i rri larg, u ndërtua në atë mënyrë që politika nuk e influencon dot, por bën letra të hapura, kërcënime”, – u shpreh kryeministri.
Diskutime rreth kësaj post