Kryeministri Rama bëri me dije lëhtesimin e masave pas 1 qershorit, ku veçoi hapjen e kufijve tokësorë, por siç tha ai, kufizimet do vijojnë, sidomos për fundjavën në zonat e kuqe, ndërkohë që plazhet nuk do hapen ende.
“Shumë komentues nga padituria shajnë e mallkojnë për fashën e orarit. E gjithë dinamika e kësaj lufte që do të njëjtë gjithnjë e më shumë betejë me veten në radhë të parë varet nga niveli i ekspozimit të popullatës ndaj virusit.
Faza dy nisi me lehtësi me zona dhe fasha të ndryshme dhe nuk është më e vështirë për t’u kuptuar se dita e shtunë dhe diel ka një rrezik më të madh ekspozimi, pasi ka dyndje të makinave dhe qytetarëve”, – theksoi shefi i qeverisë.
Rama iu kthye gjuhës së fillimit të krizës, duke kujtuar se pikërisht masat e marra e shpëtuan Shqipërinë nga bilancet tragjike.
“Jua kam thënë që ditën e parë se çfarë lufte nervash dhe prove ekstreme durimi do të ishte e tërë kjo dreq historie.
Nëse dikush bën të zgjuarin se kjo i duket e kot dhe nuk numëruam mirë me qindra të vdekur, e vërteta është se pikërisht pse bëmë atë që bëmë nuk patëm vuajtje të tmerrshme. Mos me tregoni Suedinë dhe mos i quani komplote të mia këto masa.
Ka shumë ide për komplote globale e fantazi në botën akademike të rrjeteve sociale. Shqipëria ka numrin më të ulët të viktimave në botë për numër popullsie.
Cila botë është hapur më shumë se Shqipëria sot në fazën 2. Shkoni në Greqi, Itali dhe do e shihni do lëvizni nga veriu në jug sipas qejfit, apo do të ikni dot në plazh.
Ne jemi duke hedhur hapat sipas një plani të mirëmenduar. Nga 1 qershori hapim kufijtë tokësorë me vendet fqinje tonë, por ende jo plazhet”, – tha i pari i qeverisë.
VIDEO:
Diskutime rreth kësaj post