Ish-kreu i SHISH, Fatos Klosi e cilëson si një detyrim vendimin e qeverisë shqiptare për strehimin e afganëve, ndërsa theksoi se ata nuk përbëjnë asnjë rrezik për ne.
Klosi deklaroi në një intervistë për MCN se kujdesi i vetëm që qeveria jonë duhet të tregojë është te numri i këtyre personave që do pranojë, të mos marrë më shumë se kapacitetet, ndërsa përsa i përket qëndrimit të tyre ai mendon se ata do jenë vetëm tranzit në Shqipëri pasi sipas tij ata do të qëndrojnë vetëm disa kohë këtu dhe më pas do jenë në kërkim të një vendi tjetër të NATO-s.
1.Z. Klosi, së pari një koment tuajin mbi ketë vendim që Shqipëria të jetë vend tranzit për afganët që kanë bashkëpunuar me SHBA?
Vendimi është ai që kanë të gjithë vendet anëtarë të NATO-s. Shqipëria është anëtare e NATO-s prej shumë vitesh, i cili ka qenë ai më parë në Afganistan që ka luftuar duke u përpjekur për ta kthyer atë në një vend demokratik. Është e qartë, NATO nuk ka qenë një ushtri pushtuese, por një formacion ushtarak që u përpoq të ndihmojë vendin që të mbrojë vetë vendin. Pas tërheqjes së NATO-s afganët nuk janë dolën. Problemi është se duke qenë të gjithë të huaj kanë nevojë dhe për bashkëpunëtorë vendas sidomos për përkthyes. Kështu që në këto kondita ata njerëz kanë mbetur pa mbrojtje. Mua më vjen mirë që konstatova që qeveria amerikane, kanadeze kanë pranuar afganët mes tyre dhe Shqipëria. Kështu që e quaj detyrim jo altruizëm që pjesën që ajo mund ta përballoj që i takon ta marrë përsipër. Jam dakord, është detyrim që duhet ta përmbushim.
2.Keni dijeni ku do jenë vendosur? Cilat sipas jush duhet të jenë elementët që duhet të ishte e kujdesshme Shqipëria në negocim me amerikanët?
Kujdes duhet treguar vetëm te numri që të jetë i përballueshëm, pjesa tjetër ata janë bashkëpunëtorë të NATO-s. Se si do organizohen është një problem i ndodhur papritur. U mendua si tre muaj por kjo ka zgjatur vetëm një javë. Të gjitha vendet e mëdha që kanë qenë në Afganistan janë të papërgatitur dhe as Shqipëria nuk përbën përjashtim. Do të gjendet një vend dhe për ta. Vendimet e qeverisë më duket sikur duan të diskutohen, por ajo që duhet të bëjmë është të lëmë qeverinë të punojë, nuk besoj se qeveria do bëj një gjë të papëlqyeshme.
Diskutime rreth kësaj post