Përderisa në trojet tona ende po dominojnë vranësirat e dendura, në veri dhe veriperëndim të Gadishullit Ballkanik moti është kthjelluar tërësisht dhe ky kthjellim do të fillojë të shtrihet gradualisht edhe në drejtim të trojeve tona, fillimisht në Kosovë, pastaj nga nesër e pasnesër edhe në tërë territorin e Shqipërisë.
Reshjet atmosferike janë ndalur përpos disa viseve në Shqipëri dhe Maqedoninë Veriore ku ende ka reshje shiu, kurse në malet e larta do të ketë edhe reshje bore.
Reshje pak më intensive priten në pjesën jugore të Shqipërisë dhe këto reshje do të pushojnë edhe atje duke filluar nga dita e nesërme.
Nga pasnesër pritet të kemi mot stabil, të këndshëm dhe me ngritje të temperaturave ditore.
Fundjava dhe java e ardhshme sjellin ngritje të mëtutjeshme të temperaturave, por herë pas here me mundësi për rrebeshe të izoluara shiu me vetëtima dhe bubullimë pasditeve./Meteoballkan
Diskutime rreth kësaj post