Kthesa e befasishme e motit, ja çfarë na pret të ndodh në ditët në vijim

Pas intervaleve të pritura kohore me diell paradite tani kemi shtim të vranësirave të cilat po mbulojnë përsëri territoret tona me ndonjë përjashtim.

Këto vranësira po vijnë nga Mesdheu dhe njëkohësisht kemi erërat e ftohta veriore të cilat në kombinim me ajrin e lagësht apo vranësirat nga Mesdheu pritet të na sjellin edhe reshje gjatë natës, orëve të mëngjesit dhe ditës së nesërme. Sipas MeteoBallkan, në jug të Shqipërisë do të ketë rrebeshe lokale shiu me vetëtima dhe bubullimë. Të dielën përmirësim i motit, por të hënën përsëri reshje dhe rrebeshe lokale shiu.

Sipas ecurive aktuale sinoptike ka sinjal për përmirësim të motit nga e mërkura dhe të shpresojmë që ky sinjal të përforcohet pasi të gjithë po presim me padurim pranverën e vërtetë.