Kryeministri Edi Rama pas ndalesës në Fier ka shkuar në qytetin e Vlorës ku ka inspektuar nga afër punimet që po bëhen në Lungomare. Rama ka kërkuar që punimet të ecin me ritëm dhe gjërat të bëhen ashtu siç duhet.
“Kur e keni afatin”, ka pyetur Rama. Zbatuesit kane thënë deri në tetor të vitit tjetër, gjë që nuk i ka pëlqyer Rimës. “Po c’tetor mo, aty duhet bërë në qershor, festa e fëmijëve”.
“Do bëhet plazhi më i bukur i Vlorës ky”, ka thënë Rama, duke dhënë detaje nga projekti.
Rama ka bërë edhe një sqarim për akuzat e bëra për benzinatën e mbetur të pacënuar pavarësisht projektit.
“VLORË, KANTIERI I LUNGOMARE 2 – NJË PLAZH I RI NATYRAL PËRGJATË BUZËS SË DETIT, NJË PLAZH URBAN ME RËRË MBI SHËTITORE, DY PISHINA PUBLIKE, NJË OLIMPLIKE E NJË PËR FËMIJË, PARKIM E SHËRBIME TË KLASIT TË PARË PËR VLONJATËT E PËR TURISTËT?
*Dhe një sqarim për “benzinaton” në Lungomare: Sikundër e kam denoncuar publikisht, “Benzinatua” u ndalua nga Gjykata e Lartë të shpronësohej, me një nga vendimet më skandaloze të historisë së shpifur të Drejtësisë së Vjetër! Kështu “benzinatua” mbeti aty si një çiban dhe arkitekti i famshëm belg i Lungomares, Xavier de Geyter, konceptoi një objekt – skulpturë urbane (strehën e zezë në formë kryqi), duke ia përshtatur estetikisht atij segmenti të shëtitores. Objekti tanimë është realizuar si një vlerë e shtuar, duke e “ambalazhuar” me sukses peshqeshin e mbetur aty nga Gjykata e Lartë. Palma e vetme që u hoq gjatë punimeve, për të cilën vunë kujën ata që na u kthyen nga sharësit e paepur të Lungomares kur ndërtohej, në mbrojtësit e flaktë të ekologjisë vlonjate, do të zëvendësohet padyshim. Kështu që fjalët mbrapsht atyre për sot dhe nesër si gjithnjë për çdo punë që bëj unë, “benzinatua” do të kalojë nga fletët e Librit të Sharjeve në albumin e ndërhyrjeve urbane, që kanë ndryshuar e do të ndryshojnë më tutje faqen e qyteteve tona, në funksion të zhvillimit të mëtejshëm ekonomik e turistik të vendit? I LOVE VLORA”, shkruan kryeministri Rama krahas videos.
VIDEO:
Diskutime rreth kësaj post