Kryetarja e LSI-së, Monika Kryemadhi e cila që nga nisja e karantinës nuk ka dalë në asnjë deklaratë politike, ka thyer sot heshtjen dhe ka komentuar situatën e shkaktuar nga COVID-19.
Ajo ka deklaruar se koronavirusi është një virus nga laboratori. Në një intervistë për “Report Tv” Kryemadhi tha se koronavirusi është një virus i krijuar në laborator dhe që po përdoret për të kryer eksperiment social te njerëzit.
Pjesë nga biseda e Kryemadhit:
“Mos e besoni koronavirusin, koronavirusi është një mashtrim që synon të ndryshojë sjelljen njerëzore. Koronavirusi është një eksperiment social, për mua, që kërkon të ndryshojë sjelljen sociale te njerëzit për t’i kthyer nga sjellje njerëzore dhe shpirtërore në një sjellje virtuale dhe dixhitale.
Nëse do të ishte e vërtetë koronavirusi ashtu siç krijohet panik nga e vërteta, të jeni të sigurtë që do të kishte vende më të zhvilluara se ne që do ta radikalizonin. Mjafton të shikoni disa vende si Suedia”, tha ndër të tjera Kryemadhi.
Diskutime rreth kësaj post