Nga Fieri ku zhvilloi takim me strukturat e LSI, Monika Kryemadhi, lëshoi akuza të forta ndaj qeverisë socialiste dhe kryeministrit Edi Rama për shpopullimin. Sipas kryetares së LSI, krimi më i madh që po i bëhet këtij vendi është emigrimi.
Kryemadhi: Bashkë me varfërinë, faturat e larta, taksat e larta, çmimet e larta, mungesën e shërbimeve, shqiptarëve u shtohet çdo ditë e më shumë dhe malli për fëmijët e tyre, mungesa e fëmijëve të tyre. Çdo ditë shqiptarët largohen. Vetëm vitin e kaluar emigracioni në Shqipëri është rritur me 22%, ku pjesa më e madhe janë të rinj dhe reja. Të shkolluar dhe të diplomuar në universitetet tona largohen se nuk kanë mundësi gjetjen e një vendi pune.
Monika Kryemadhi nuk e la jashtë përgjegjësisë edhe LSI për këto që sipas saj po i bën Edi Rama vendit.
Kryemadhi: Kemi faj edhe ne sepse nuk ja kemi kujtuar çdo ditë Edi Ramës 300 mijë vendet e punës. Jo vetëm nuk hapi 300 mijë vende pune por përkundrazi mbylli me qindra dhe mijëra dyer shtëpish që u larguan nga Shqipëria dhe ikën në emigracion.
Opozita ka paralajmëruar protesta popullore nëse kryeministri Rama nuk pranon opsionin e zgjedhjeve të parakohshme për ti dhënë fund krizës politike dhe kushtetuese.
VIDEO:
Diskutime rreth kësaj post