I pyetur për distancimin e Jozefina Topallit nga PD për shkak të kritikave Fatbardh Kadilli bëri një paralelizëm të Topallit me veten e vet. Gjatë emisionit HARD TALK, Kadilli tha se qendrimi i Topallit dhe i tij ka ndryshime të mëdha.
“Basha nuk ka përjashtuar njeri. Po të marrësh rastin e Jozefina Topallit u zëvëndësua nga Romeo Gurakuqi që ishte një person publik. A të pëlqen Jozefina apo Romeo kjo është subjektive.
Bëjmë një dallim kokë për kokë. Unë anëtar kryesie, ajo anëtare kryesie. Unë nuk isha kandidat, ajo nuk ishte kandidate. Kishte shijuar pushtet nga PD, kishte punuar për PD-në, kishte marrë dhe të mirat e pushtetit. Nuk ishte në listë, nuk isha në listë. Unë nuk dola të bëj konferencë shtypi të them mos votoni Partinë Demokratike.
Këtë nuk e bën dot një politikan solid. Edhe unë isha i pakënaqur, është krejt normale. Isha sekretar i burimeve njerëzore. Nuk ka ndodhur në historinë që sekretari të mos jetë deputet. Katër mandate ka mbajtur ai që ka qenë paraardhësi im.
Nuk ka nevojë as Jozefina, as Sali Berisha për mandate deputeti, ai që është politikan e bën politikën vetë. Pse karrierë është politika? E sqaroi shumë bukur Berisha gjatë një interviste kur tha që politika nuk është karrierë është betejë. Betejën nuk e kishte me Lulzim Bashën, garën brenda vetes mund ta kishte por betejën e kishte me Edi Ramën.
Gjërat kanë sekuencë. Deklarimi i zonjës Topalli ishte më parë. Në PD ka më shumë demokraci se në PS”, tha Kadilli.
Diskutime rreth kësaj post