Juristi i njohur, Kreshnik Spahiu, në lidhje me vendimin e amerikanëve për shpalljen “non-grata” të Sali Berishës tha se ky vendim vjen tani pasi amerikanët nuk doni të krijonin përplasje para zgjedhjeve.
Sa i përket aludimeve se në këtë vendim ka dorë Sorosi, Spahiu tha se kjo gjë nuk është e vërtetë, pasi vendimi u projektua në kohën e Trump, e duke ditur se Trump është një “sulmues” i fortë i filantropit Xhorxh Soros.
“Pse u dha vendimi tani? Sepse amerikanët u treguan etikë, pritën të mbaronin zgjedhjet. Nuk mund ta shpallnin “non-grata” para zgjedhjeve dhe të krijonin përçarje apo dhe të ishin ndikues në vullnetin e popullit. Nuk është e vërtetë që vendimi është i lobuar nga Sorosi sepse Yuri Kim është e dërguara e Trump, një nga sulmuesit më të mëdhenj të Sorosit. Ky vendim është projektuar nga administrata Trump, nga republikanët jo nga demokratët”, u shpreh Spahiu.
Diskutime rreth kësaj post