Kosovari fiksohet keq pas shkodranes, i hyn në mesnatë në shtëpi me armë në dorë

Policia ka vënë në pranga një të ri në Shkodër, pasi i fiksuar pas një gruaje e ka përndjekur atë.

“Besnik Hyseni, 23 vjeç, banues në Vushtri, Kosovë”-njofton policia.

Arrestimi i tij u bë pasi rreth orës 02:00 ka hyrë me një armë zjarri tip pistoletë në oborrin e banesës së shtetases A. G..

Ka qënë gruaja në fjalë e cila ka telefonuar policinë, dhe falë reagimit të shpejtë të policisë, është arrestuar në flagrancë brenda banesës së shtetases së lartëpërmendur, ku ju gjet edhe arma e zjarrit pistoletë tip Zastava e cila u sekuestrua në cilësinë e provës materiale.

Materialet proceduriale iu referuan Prokurorisë Pranë Gjykatës së Shkallës së Parë Shkodër për veprat penale “Përndjekja” dhe “Prodhimi dhe mbajtja pa leje e armëve luftarake dhe e municionit” të parashikuara nga nenet 121/a dhe 278/3 të Kodit Penal.