Koronavirusi shpërthen në këtë qytet shqiptar, regjistrohen 35 raste të reja

Qyteti i Ferizajt është shndërruar në epiqendrën e koronavirusit në Kosovë. Kanë dalë mbrëmjen e sotme rezultatet e analizave të kryera nga Instituti Kombëtar i Shëndetit Publik, duke rezultuar pozitive për 35 persona.

Numri i përgjithshëm i të infektuarve me Covid-19 në Ferizaj shkon në 55.

Të gjithë personat e konfirmuar pozitiv me COVID-19 janë kontakte familjare, kolegë e kontakte të këtyre të fundit (palë të treta) nga rastet e fundit të konfirmuara pozitive me virusin COVID-19.

Ndërkohë Pirshtina ka marrë masa të ashpra për ndalimin e qarkullimit pas identifikimit të 20 rasteve të reja me koronavirus.