Koronavirusi! “Nuk ka arsye të ketë alarm në Shqipëri”, mjeku Tritan Kalo tregon pse OBSH shpalli emergjencën

Mjeku infeksionit Tritan Kalo, i ftuar në emisionin ‘Kjo Javë’ në News 24 ka thënë se nuk ka arsye për Shqipërinë të alarmohet nga koronavirusi. Kalo shprehet se e ka vënë re tendencën për ta izoluar këtë virus në vatër, pra në Ëuhan dhe në Kinë duke anuluar udhëtimet. Në këtë mënyrë koronavirusi nuk mund të përhapet.

”Nuk ka asnjë arsye që të ketë alarm në Shqipëri. Organizata botërore e shëndetit ka shpallur emergjencën sepse është virus i ri dhe përpjekjet bëhen për ta izoluar në vatër. 117 raste janë izoluar jashtë Kinës por tendenca është duke izoluar udhëtimet. Shumë vende e kanë bërë.

Për shkak të lëvizjes së popullatave, bota quhet një fshat i madh dhe me një avion SARS-i me një avion shkonte në Hong Kong, Australi dhe pas 12 orësh në Europë. Duhet të izolohet brenda vatrës, dhe që mos përhapet.”– tha Tritan Kalo.

Ndërsa sa për simptomat Kalo tha se një person i prekur me koronavirus dallohet që ka këtë virus pas ekzaminimeve. Për një person të dyshuar Tritan Kalo thotë se qëndron në karantinë dhe ekzaminohet me një trajtim deri në 14 ditë.

“Nëse shfaq simptoma atëhere më pas bëhet një kontroll për të bërë dallimin nëse personi i dyshuar ka grip të thjeshtë apo koronavirus.”

”Deri në këtë moment ka paqartësi. Por përderisa janë shfaqur raste në distancë nga Kina atëhere është përcaktuar që transmetohet nga njeriu në njeri.

Një mjek francez që i ka shërbyer pacientëve, e ka marrë koronavirusin. Ekziston infektimi ndërhuman. Sipas një shkalle të infektimit, 1 person i infektuar mund të infektojë jo më shumë se 2.2 të tjerë. Fruthi mund të infektojë më shumë se 8 të painfektuar.

Shenjat janë si për gripin stinor. Simptomat klinike janë të njëjta. Temperaturë, dhimbje koke. Nuk dallohet vetëm me izolimin e pacientit.

Po të shohësh me kujdes ka pacientë në të gjithë Kinën. Dhe të prekurit duhet të ndiqen me kujdes.

Trajtimi është maksimumi 14 ditë. Pra në kaq ditë të mbahen në Kinë, të observohen dhe nëse kanë simptoma si gripi mbahen, nëse nuk kanë lejohen. Por edhe nëse kanë simptoma duhet që të përcaktohen nëse ka grip të thjeshtë sezonal apo koronavirus”– tha Kalo.