Konstituohet organi këshillimor pranë MASR, Kushi: “KALKSH do të jetë organi i ri që do të kontribuojë, për avancimin e mëtejshëm të Paktit për Universitetin”

Ministrja e Arsimit, Evis Kushi ka bërë të ditur se është konstituuar një organ këshillimor për arsimin e lartë dhe kërkimin shkencor.

KALKSH do të jetë organi i ri që do të kontribuojë në avancimin e e një sërë reformash dhe procesesh për avancimin e mëtejshëm të Paktit për Universitetin.

Ky organ këshillimor u konstituua sot nga Kushi me praninë e disa personaliteteve të njohura të botës akademikë që kontribuojnë në Shqipëri dhe Europë.

Statusi i Evis Kushit:

“Së bashku me personalitete të njohura të botës akademike që kontribuojnë në Shqipëri por edhe në institucione prestigjioze europiane, konstituuam Këshillin e Arsimit të Lartë dhe Kërkimit Shkencor (KALKSH).

Jam e lumtur për konkretizimin e këtij hapi, 👉 pasi #KALKSH do të jetë pa diskutim një organ këshillimor shumë i rëndësishëm pranë Ministrisë së Arsimit, Sportit dhe Rinisë në lidhje me politikat e arsimit të lartë dhe kërkimit shkencor.

Shpreh bindjen se me ekspertizën dhe eksperiencën e tyre të vyer, do të çojmë akoma më përpara një sërë reformash dhe procesesh me #rëndësi, si dhe do të ndihmojmë në avancimin e mëtejshëm të #PaktitPërUniversitetin’-shprehet Kushi.