Presidenti i Shteteve të Bashkuara të Amerikës, Donald Trump, ishte i qartë se kë fajëson rreth krizës me Iranin, ish administratën amerikane të udhëhequr nga demokratët e Barack Obama dhe nënshkruesit ‘mendjelehtë’ të marrëveshjes bërthamore të 2015’s në Vjenë.
Ky qëndrim i Presidentit Amerikan Donald Trump nuk është i ri dhe ishin republikanët që kishin reaguar ashpër ndaj marrëveshjes së 2015’s dhe negociatave në përgjithësi me Iranin nga administrata e atëhershme e demokratëve të Barack Obama. Konflikti me Iranin kapërcen rrafshin ndërkombëtar dhe ka ndikim në debatin e ashpër në shoqërinë amerikane në prag zgjedhjesh presidenciale të nëntorit dhe provave të demokratëve të ndalojnë politikat e presidentit amerikan Trump në ekonomi.
Republikanët dhe administrata e Trump kishin nisur furishëm vitin 2019’të posaçërisht në rrafshin ekonomik dhe shifrat janë të pamohueshme ku rritja ekonomike në SHBA ka tronditur kundërshtarët demokratë pasi është e rrallë që një president në detyrë me sukses ekonomik me vrull të tillë të mposhtet në zgjedhjet e mandatit të dytë. Më e rënda fjali nga Trump që e tha sot ishte se predhat e hedhura ndaj amerikanëve dje ishin financuar nga paratë që demokratët e administratës së kaluar i kishin dhënë Iranit, shkruan Gazeta Metro.
Demokratët do të ndjehen mjaft të hidhëruar nga ky konstatim i Presidentit Trump që ju përmendi vlerën prej 150 miliardë dollarëve të dhëna Iranit në asete dhe 1.8 miliardë dollarë të dhëna në kesh nga administrata e Barack Obamas. Vlera e parë është e kontestuar pasi demokratët pretendojnë se është më afër 60 miliardëve. Por jo edhe 1.8 miliardë dollarët në kesh që kishte dorëzuar Obama iranianëve në kesh që dihet se ndodhi.
Ishte atëherë Sekretari i Thesarit, Jack Lew, atëherë që e kishte vendosur numrin e aseteve të liruara pas marrëveshjes me Iranin në vlerë prej 56 miliardë dollarë amerikanë. Atëherë një zyrtar i lartë në Departamentin e Thesarit të SHBA’ve, Adam Szubin, kishte dëshmuar në Dhomën e Përfaqësuesve në vitin 2015 se “asetet e shfrytëzueshme të rrjedhshme do të arrinin gjithsej pak më shumë se 50 miliardë” Pjesa tjetër e aseteve të huaja të Iranit, kishte thënë ai, ishin të lidfhura në projekte jo të rrjedhshme dhe nuk mund të likuidohen shpejt, apo fare, ose përbëhen nga hua ndaj entiteteve iraniane që kanë skaduar e që nuk mund të shpaguhen “.
Administrata e Obama i kishte dërguar Iranit 1.7 miliardë dollarë- 400 milionë shto kamata- për të mbyllur një çështje te vjetër me dekada kur ishte blerë pajisje ushtarake amerikane që nuk ishin dorëzuar kur ra qeveria ishte rrëzuar nga revolucioni islamik në vitin 1979.
Diskutime rreth kësaj post