Komisioni Hetimor drejt ‘goditjes’ finale për Presidentin Meta, Artan Spahiu pranon detyrën e rëndësishme

Eksperti Ligjor, Artan Spahiu është thirrur sot nga Komisioni Hetimor për shkarkimin e Presidentit Meta. Spahiu ka pranuar që të mbajë detyrën e ekspertit ligjor në këtë komisionin dhe premtoi se do të vërë në dispozicion gjithë dijet e tij si jurist.

Kryetari i Komisionit, Alket Hyseni i ka uruar mirëseardhjen dhe i ka bërë me dije se Sekretaria do i vendosë në dispozicion çdo mjet.

Alket Hyseni: Eksperti ligjor, Artan Spahiu. Z.Spahiu mund të uleni. Faleminderti që keni ardhur. Sikur jeni në dijeni, juve ju ka caktuar Komisioni në detyrën e ekspertit, bazuar në CV tuaj, deklaratën tuaj pranë këtij Komisioni. Sot do të deklaroni nëse do pranoni detyrën ose jo.

Artan Spahiu: E pranoj detyrën si ekspert ligjor pranë Komisionit Hetimor. Do bëj gjithçka, gjithë dijen time për t’iu përgjigjur sa më mirë detyrave.

Alket Hyseni: Ju faleminderit juve. Sekretaria do t’ju vendosë në dispozicion mjetet.