“Koha për parandalimin e rënies në humnerë është tani!” Meta nuk gjen qetësi, kërcënon hapur qeverinë Rama që në mëngjes

Presidenti Ilir Meta në ethet elektorale, ditët e fundit po përpiqte të përdor çdo mjet për të kërcënuar qeverinë Rama. Teksa ka publikuar një raport të BERZH për ecurinë e ekonomisë së Shqipërisë, Meta ngre alarmin dhe paralajmëron se përshkallëzimi i krizës politike do ta rrezikonte seriozisht stabilitetin për qytetarët.

Meta teksa sulmon qeverinë edhe e akuzon se po e çon vendin drejt humnerës, e kërcënon atë që t’i përmbahet marrëveshjes se 5 qershorit, pasi sipas tij vetëm kështu do të rikthehet stabiliteti politik në vend,

Postimi i plot:

“Banka Europiane për Rindërtim dhe Zhvillim ka bërë së fundmi një parashikim të zymtë për të ardhmen e afërt të ekonomisë shqiptare, më negativi jo vetëm për vendet e Ballkanit, por për të gjithë rajonin e BERZH.

Konkretisht, rritja ekonomike per vendet e Ballkanit Perëndimor pritet të ulet në – 5.1% në vitin 2020 si rezultat i kolapsit të sektorit të turizmit, ndërprerjes globale të zinxhirit të furnizimeve, prodhimit të ulët industrial, rënies së investimeve të huaja, si dhe dërgesave nga diaspora.

Ndërkohë që parashikimi i rritjes ekonomike për Shqipërinë për vitin 2020 është – 9.0% më i larti krahasuar me vendet e rajonit.

Rënia ekonomike e Shqipërisë është sa dyfishi i mestares së vendeve të tjera të rajonit.

Pandemia ka prekur dhe ka ndikuar negativisht në ecurinë e turizmit, aq sa rënia e aktivitetit të turizmit ka kontribuar më shumë se 1/5 e uljes së rritjes ekonomike.

Gjithashtu eksportet për periudhën 7 mujore në vitin 2020 janë tkurrur në -17%, krahasuar me të njëjtën periudhë të vitit të kaluar.

Rënia më e madhe e eksporteve është rregjistruar me Italinë, në rreth 40% për periudhën mars – maj të vitit 2020. Ndërsa rënia e dërgesave nga diaspora në më shumë se 1/5 ka ndikuar negativisht në rënien e konsumit.

Në këto kushte çdo përshkallëzim i mëtejshëm i krizës politike në vend, do rrezikonte seriozisht stabilitetin dhe pasigurinë për qytetarët.

Koha për parandalimin e rënies në humnerë është tani!

Ndaj respektimi i Marrëveshjes së 5 Qershorit, është kyç për stabilitetin politik, por edhe për ekonominë kombëtare dhe atë të çdo familjeje shqiptare.

KOHA PËR T’U THELLUAR!” -shkruan Meta.