‘Koha juaj ka mbaruar’, Floriana Garo hidhet në sulm ndaj Ramës: Duhet t’u kishe kërkuar falje

Zëdhënësja e fushatës së Partisë Demokratike ka bërë një reagim për deklaratat e bëra nga kryeministri Edi Rama për gratë dhe vajzat e politikës.

Në një video-mesazh, Floriana Garo shprehet se e vetmja gjë që duhej të kishte bërë Edi Rama sot ishte t’u kërkonte falje vajzave dhe grave që sipas saj, ai i ka dhunuar, bullizuar apo ofenduar e tallur. Garo shprehet se gratë meritojnë një kryeministër që i respekton dhe punon për to, dhe ky sipas saj, është Lulzim Basha.

“Zoti Rama, të vetmen gjë që duhet të bëje sot ishte t’u kërkoje falje atyre grave dhe vajzave që ke dhunuar, bullizuar, ofenduar e tallur. Imagjino sikur ajo të ishte vajza juaj!

Është koha që vajzat dhe gratë shqiptare do të marrin vendin që u takon, mbrojtjen që meritojnë nga çdo sjellje e padenjë ndaj tyre dhe dinjitetin që u është shkelur këto vite. Koha juaj ka mbaruar, zoti Rama. Vajzat dhe gratë shqiptare meritojnë një kryeministër që i respekton dhe punon për to. Dhe ky është Lulzim Basha”, thotë Garo.