Koalicion me PS, apo PD? Murrizi jep përgjigjen e prerë, tregon kushtin që ka për Lulzim Bashën

Kryetari i partisë “Lëvizja Demokratike Shqiptare” Myslim Murrizi ka komentuar zhvillimet e fundit politike. Ai u shpreh se në zgjedhjet e 25 prillit synon që të marrë 5 mandate.

Por nëse mandatet e “LDSH” do të ishin vendimtare për formimin e qeverisë së re me cilën parti do i bashkonte votat Murrizi, PS apo PD?

“Nëse mandatet e mija do të sillnin me 71 mandate PD-në dhe do të kisha ftesë nga ata, do ta konsideroja seriozisht”.

Koalicionin opozitar e kritikoi për futjen në listë të emrave që thyen vendimin dhe pranuan mandatin e deputetit.

“Nuk ka kërkuar një ndjesë publike”, tha Murrizi për Abc News.

Por nëse edhe atë do ta kishte ftuar Lulzim Basha në koalicionin opozitar, a do të pranonte Murrizi?

“Do ta mendoja. Do ta shikoja, do të vendosja kusht që me njerëz që pretendojnë vetëm veten e tyre, jo”.