Shpallja “non grata” e Sali Berishës ka tronditur dje politikën shqiptare. Qëndrimi i Sekretarit Blinken ishte shumë i fortë, por në atë deklaratë ai e bën të qartë se kjo histori nuk mbyllet me kaq, pasi pas Berishës do e kenë radhën emra të tjerë. Blinken shprehet se Berisha ka ndërhyrë në procese të tjera duke mbrojtur familjarë dhe aleatë të tij.
Analisti Julian Zyla u shpreh se hapja e dosjeve të “Gërdecit” dhe Santos është një gjë e mirë, Berisha ka penguar proceset e drejtësisë. Ky veprim tha ai, ishte enkas për të, SHBA pret që drejtësia të funksionoi.
“Amerika do që Berisha të mos ketë më fuqi brenda PD-së. Nuk është një situatë që një shtet e do këtë gjë. Teksti i përdorur lë të kuptohet se është një bashkësi rastesh dy apo më tepër që është përfshire në aktivitete te jashtëligjshme, të cilat kanë mjaftuar që SHBA të marrë këtë vendim. Kjo është një nga armët e fundit që përdorin, vendimi u bë publik nga vetë sekretari Blinken”, – u shpreh Zyla.
Ai shkoi më tej duke pohuar se Partia Demokratike në këtë moment fillon fushata e tyre e vërtetë e 2025, PD është më e rëndësishëm se Basha dhe Berisha.
“Ky është momenti ku duhet të kemi një largim të Berishës nga PD-ja, kjo do jetë prova e zjarrit për PD. Politika Shqiptare është një investim i SHBA-së dhe kjo u duk nga lajmi i djeshëm. Firmat piramidale ishin një fatkeqësi shumë e madhe e Shqipërisë, ku kemi pasur shumë humbje jete. Berisha është një fatkeqësi aq e madhe si një nga shkaktarët me rëndësinë më të madhe politike”, – tha Zyla në Top News.
Diskutime rreth kësaj post