Komisioni për ‘CEZ’ ka administruar zyrtarisht prova nga dëshmitari Romeo Karaj, ish- juristi përgjegjës i OSHEE-së.
Kështu ka deklaruar kreu i Komisionit hettimor Taulant Balla në një postim në rrjetin social Facebook.
Sipas tij, favorizimi me dashje i kompanisë CEZ në dëm të shtetit shqiptar dhe prishje e qëllimshme e kontratës pa lënë mundësi Shqipërisë të ketë avantazhe në arbitrazh tashmë mund provohet me fakte dhe prova e se kjo është hera e parë e një komisioni Hetimor Parlamentar që po bën detyrën e po gjen fajtor.
“Komisioni Hetimor per aferen korruptive 414 milione Euro “CEZ”, administroi sot zyrtarisht dokumenta dhe prova shkresore nga deshmitari Romeo Kara.
Lidhje te errta ryshfeti dhe te dhena llogarish bankare; shkelje flagrante te ligjit; takime te fshehta te Berisheve ne Tirane, Prage, Viene; mbi 100 biseda telefonike me sekserin N.K.; favorizim me dashje te kompanise CEZ ne dem te shtetit shqiptar; prishje e qellimshme e kontrates pa i lene mundesi Shqiperise te kete shanse ne arbitrazh etj.
Me ne fund nje Komision Hetimor Parlamentar po ben detyren dhe po gjen fajtore. Me date 9 dhjetor, ora 10 vazhdon seanca degjimore me deshmitarin Sali Berisha” shkruan deputeti socialist.
Në seancën dëgjimore të radhës, më 9 dhjetor në orën 10 ish- kryeministri Sali Berisha do të dëshmojë për zbardhjen e skandalit DIA-CEZ.
Gjatë seancës së fundit dëgjimore, Berisha, i thirrur në cilësinë e dëshmitarit ka refuzuar të dëshmojë dhe është larguar nga salla.
Por një tjetër dëshmitar, Romeo Karaj, ish- juristi përgjegjës i OSHEE-së ka deklaruar se zotëron dokumente që dëshmojnë se procesi i privatizimit të CEZ ka nisur që në vitin 2005-2006 dhe jo në 2008 kur u hap zyrtarisht tenderi.
Sipas tij, ai zotëron foto dhe dokumente të ish-kryeministrit Berisha dhe ministrit Genc Ruli me Nuel Kala.
Kala ka luajtur rolin e sekserit mes çekëve të CEZ dhe qeverisë shqiptare prej së cilës ka përfituar 3. 6 milionë euro.
Diskutime rreth kësaj post