Pas më shumë se 5 orë mbledhje, Komisioni i Ankesave dhe Sanksioneve vendosi pezullimin e vendimmarrjes për qarkun e Gjirokastrës, ku PD, LSI dhe kandidati i pavarur i Vetëvendosjes për qarkun e Gjirokastrës, Kreshnik Merxhani kërkuan përsëritjen e zgjedhjeve.
Ky i fundit në një postim në rrjetet sociale shkruan se me videot që publikuan ku sipas tyre kishte mjaft shkelje në procesin e numërimit, plasën “bombën”, ndërsa akuzon përfaqësuesit e PS-së në KAS.
“Përfaqësuesi ligjor i Partisë Socialiste deklaroi sot në seancën dëgjimore të ankesës sonë në KQZ/KAS se pavleshmëria e zgjedhjeve nuk mund marrë parasysh atë çfarë ndodh në procesin e numërimit. Pra, sipas tij, nuk mund ta marrim parasysh falsifikimin e vërtetuar me video gjatë procesit të numërimit.
I kemi plasur bombën me videot që kemi publikuar dhe tani po spërdridhen”, shkruan Kreshnik Merxhani.
Diskutime rreth kësaj post