“Kambanë alarmi për personat në pushtet? ”Berisha “non grata”, Manastirliu komenton vendimin e DASH

Gjatë një interviste televizive, ministrja e Shëndetësisë, Ogerta Manastirliu në lidhje me vendimin e DASH për shpalljen e Sali Berishës “non-grata”, tha se nëse DASH ka mbledhur të dhëna e fakte, e ka arritur në një përfundim të tillë, atëherë është e pavend sipas saj të komentohet më tej. Ajo pranoi, se ky vendim do të jetë një kambanë alarmi për politikën shqiptare.

Deklarata e Manasterliut:

“Është një vendim i DASH. Është një vendim që ka ardhur pas një vlerësimi në kohë të gjatë. Për sa kohë që është DASH dhe flitet për SHBA, aleatin tonë, besoj që ky vendim nuk ka vend për koment.

Mesazhi është i qartë, tregon që të gjithë janë të barabartë përpara ligjit, edhe zoti Berisha”, u shpreh ministrja.