Gjakrat po nxehen shumë përreth ishullit të Tajvanit dhe shteti kinez si duket nuk e ka ndërmend të heqë dorë nga pretendimet e tij. Një lojë ushtarake po sponsorizon edhe më shumë përshkallëzimin e tensioneve mes këtyre dy vendeve, ku përmasat mund ti kalojnë kufijtë e tyre. Ky paralajmërim mbështetet në pozicionimin që ka marrë SHBA e cila ka bërë me dije se do ndërhyjë në çdo rast për të mbrojtur Tajvanin, ndërkohë edhe Rusia e cila shfaq hapur ‘miqësinë e mirë’ me Pekinin. Kina njoftoi ditën e djeshme se kishte organizuar stërvitje të reja ushtarake rreth Tajvanit, ku aktualisht po vizitojnë pesë parlamentarë amerikanë, dy javë pas mbërritjes së Nancy Pelosi , denoncuar hapur nga Pekini. Kina ka hedhur akuzat e forta duke i cilësuarvizitat e diplomatëve amerikanë si mashtrime politike që minojnë paqen dhe stabilitetin përtej ngushticës së Tajvanit.
Qëndrimi i ashpër i Kinës
Ushtria kineze tha në një deklaratë:“Më 15 gusht, Komanda e Teatrit Lindor të Ushtrisë Çlirimtare Popullore Kineze mbajti një patrullë të përbashkët gatishmërie luftarake me shumë shërbime dhe stërvitje luftarake në det dhe hapësirën ajrore rreth Tajvanit. Manovrat e reja përbëjnë “një pengesë solemne kundër Shteteve të Bashkuara dhe Tajvanit, të cilat vazhdojnë të luajnë mashtrime politike dhe minojnë paqen dhe stabilitetin përtej ngushticës së Tajvanit” , tha Shi Yi, zëdhënës i komandës së teatrit lindor të ushtrisë kineze, duke premtuar se “me vendosmëri mbrojnë sovranitetin kombëtar” .Ndërkohë në përditësimin e saj, Ministria e Mbrojtjes e Tajvanit tha të dielën se kishte zbuluar njëzet e dy avionë dhe gjashtë anije kineze që operonin pranë ngushticës. Njëmbëdhjetë prej avionëve kaluan vijën e mesme, një demarkacion jozyrtar midis Tajvanit dhe Kinës që Pekini nuk e njeh.
Kina përgjigje ushtarake për vizitën e parlamentarëve amerikanë
Këto manovra të reja ushtarake nga Kina vijnë pasi një delegacion nga Kongresi i Shteteve të Bashkuara i përbërë nga një senator dhe katër përfaqësues të parlamentit, demokratë dhe një republikan mbërriti në Taipei të dielën në mbrëmje për të takuar Presidentin e ishullit, Tsai Ing-Wen, pritje e organizuar në Ministrinë e Jashtme.Një vizitë e mirëpritur në një deklaratë për shtyp nga Ministria e Jashtme e Tajvanit, për të cilën të zgjedhurit amerikanë “dëshmojnë kështu një miqësi që nuk trembet nga kërcënimet nga Kina dhe nënvizon mbështetjen e vendosur të Shteteve të Bashkuara për Tajvanin” . Vizita e paparalajmëruar fokusohet në tregtinë, sigurinë rajonale dhe ndryshimet klimatike, sipas Institutit Amerikan në Tajvan.Megjithatë, ajo vjen pas mbërritjes, dy javë më parë, të kryetares së Dhomës së Përfaqësuesve amerikanë, Nancy Pelosi, në këtë ishull. E zemëruar, Kina i ishte përgjigjur kësaj vizite me manovra ushtarake, më të mëdhatë e kryera ndonjëherë nga Pekini rreth Tajvanit .Ushtria kineze kishte vendosur anije luftarake, raketa dhe avionë luftarakë duke simuluar një bllokadë të ishullit. Nga ana e tij, Taipei kishte akuzuar Kinën se kishte përdorur pretekstin e vizitës së zonjës Pelosi për të trajnuar për një pushtim. Si përgjigje, Shtetet e Bashkuara rikonfirmuan angazhimin e tyre ndaj rajonit.Pekini, i cili e sheh Tajvanin si një provincë të shkëputur, teksa nisi stërvitje të mëdha ushtarake rreth ishullit të vetëqeverisur pasi Kryetarja e Dhomës së Përfaqësuesve të SHBA-së, Nancy Pelosi, vizitoi Taipein. Gjithashtu Kina mori vendimin për të sanksionuar Pelosin dhe anëtarët e familjes së saj. Tetë kundërmasa të shpallura nga Pekini përfshijnë anulimin e telefonatave midis zyrtarëve ushtarakë amerikanë dhe kinezë, takimin e punës midis departamenteve të mbrojtjes kineze dhe amerikane dhe pezullimin e bashkëpunimit Kinë-SHBA për migracionin e paligjshëm, kontrollin e drogës dhe ndryshimet klimatike.
Diskutime rreth kësaj post