“Kam dyshime të besueshme se pensionistëve në lagje po u jepen lekë për votën”, deputeti bën deklaratën e fortë në Kuvend

Deputeti opozitar Selami Jenisheri zbuloi sot nga foltorja e Kuvendit se partitë politike po tentojnë të korruptojnë pensionistët në lagjet e pallateve, duke u ofruar 30 mijë lekë të vjetra për votën.

Jenisheri që është njëkohësisht edhe kryetari i partisë së Pensionistëve të Bashkuar, tha se ‘ka dyshime të besueshme”, për atë çka po ndodh, ndaj kërkoi që Parlamenti të votojë ligjin për detektivin privat.

“Kam informacionin e duhur dhe dyshime të besueshme, se kush janë pensionistët që në lagje u thuhet do të japim lekë dhe votoni për ne.

Nëse detektivi privat do të aprovohet nga ky parlament, ne do ta vendosim në pozita më të mira 5 prillin”, tha Jenisheri.