“Ka krisje të gjitha anët, unë jetoj vetëm”, tërmeti ndau në dysh pallatin 10-katësh, moshuara rrëqeth me fjalët

Tërmetet e fuqishëm që pasuan vendin tonë kanë lënë të shokuar qytetarët e Tiranës dhe Durrësit,. Teksa fatmirësisht nuk ka patur të lënduar, dëmet materiale në banesa dhe biznese kanë qenë të shumta.

Një pallat dhjetë katësh ka pësuar dëmtime të shumta në Shkallnur të Durrësit. Banorët e tij shprehen të alarmuar në “News 24”, ndërsa apelojnë tek strukturat shtetërore se jeta e tyre është e rrezikuar pasi pallati ka pësuar plasaritje të forta dhe përbën rrezik serioz për jetën e tyre.

Një nënë pensioniste, e cila jeton e vetme në katin e tretë të këtij pallati thotë se prej dy netësh nuk vë gjumë në sy nga frika.

Pjesë nga biseda

Gazetarja: Si është situata dhe gjendja juaj?

Nëna e moshuar: Shumë shumë e pasigurtë. Kemi dy ditë që s’kemi bërë gjumë. Ky pallat prej kohësh ka qenë për 5 kate, por ata e kanë çuar në 10 kate. Ne banojmë në katin e 3-të. Tërmeti ka bërë dëmtime në cepat e dyerve. Kanë krisje të gjitha anët. S’kemi ku të shkojmë, jemi pensionistë. Unë jetoj vetëm. As të ngrënë as të pirë. Sa fillonim të hanim, nisnin lëkundjet. Jam me stres dhe i kam ilaçet pa pirë. Pallati është i pabanueshëm. Jemi të pasigurtë. Unë jam shumë e sikletosur dhe jam pa gjumë. Nuk e di si do shkoj. Nuk di nga të shkoj.”