Jozefina Topalli tregon çfarë ka ndodhur në selinë blu dhe zbulon prapaskenat e forta: Ky është një alarm i frikës

Ish-kryetarja e kuvendit, Jozefina Topalli ka deklaruar se zgjedhjet për kryetar brenda Partisë Demokratike u manipuluan.

“Pas vitit 2013 nuk ka pasur asnjëherë zgjedhje të drejta. Ka qenë manipulim i verifikuar me zë dhe figurë nga ana e Lulzim Bashës”, shprehet Topalli.

Po ashtu, manipulimi i zgjedhjeve, sipas saj, ishte alarm që detyroi emra të rëndësishëm të Partisë demokratike të largoheshin. “Ky është një alarm i frikës dhe reagimeve, ne kemi treguar se këtu po shkatërrohet PD, është vrarë debati, konkurenca dhe vota. Të gjitha këto janë arsyet pse PD-ja u krijua tre dekada më parë”.

Sipas Topallit, Partisë Demokratike i kanë rënë “kolonat kryesore”. “PD-së i mungon lidershipi, i mungojnë parimet. Nëse më parë ka pasur elemente të djathta në parti, tashmë nuk ka as një element të mbetur dhe për këtë më vjen keq”, u shpreh ajo për në Top Talk.

Kryetarja e Partisë “Lëvizja për Ndryshim”, bën deklaratën e fortë kur thotë se “Shqiptarët nuk janë aq budallenj sa të besojnë gënjeshtrat, përndryshe do të kishte qenë kryeministër Lulzim Basha”.