‘Janë bërë zëdhënës të panikut’, kryeministri Rama shpërthen keq ndaj goditjeve të opozitës

Kryeministri Edi Rama në një konference për shtyp nga selia e kryeministrisë i është përgjigjur sulmeve ndaj opozitës.

Sipas shefit të qeverisë, përmes gënjeshtrash dhe sajimesh, opozita po perhap panik dhe po rrezikon seriozisht shëndetin e shqiptarëve.

“Janë çakërdisur deri në pikën kur shpresat e tyre të lodhura i kanë mbështetur të gjitha te ëndrra e një katastrofe shëndetësore. Dhe faktikisht janë bërë zëdhënës të panikut, zëdhënës të çorodisë psikologjike dhe zëdhënës të një pesimizmi krejtësisht të fabrikuar për të krijuar sa më shum dëshpërim në popull përmes gënjeshtrash, sajesash, abuzimesh, të një propaganda të shfrenuar që rrezikon seriozisht”, – u shpreh ndër të tjera Rama.