E djathta nis sot fushatën elektorale me aktivitet të organizuar në sheshin “Nënë Tereza”. Forcat e policisë kanë mbërritur në shesh, pak para hapjes sa fushatës dhe njoftohet se janë vendosur para stadiumit kombëtar.
Ndërkohë, himni i fushatës së opozitës do të jetë një hit i këngëtares Sia, “Unstoppable” ( I pandalshëm).
Nëpërmjet këtyre vargjeve, kryedemokrati kërkon të tregojë se beteja e tij me PS-së do të jetë e fortë dhe se fitorja do të jetë e sigurtë, teksa thuhet: “Jam i pathyeshëm, dhe unë ia dal të fitoj çdo lojë, kaq i fuqishëm dhe i sigurt”.
PD po organizon një miting ndryshe, frymëzuar nga fushata e Joe Biden në SHBA. 222 kandidatët do jenë në tribunë, në podiumin e ngritur në sheshin Nënë Tereza ndërsa pjesëmarrësit do të qëndrojnë në makina, që do të vendosen në shesh.
Teksti i këngës:
Vetëm me buzëqeshje, unë e di shumë mirë se çfarë duhet për të mashtruar këtë qytet
Do ta bëj derisa dielli të perëndojë dhe gjatë gjithë natës
Dhe do të të tregoj atë që dëshiron të dëgjosh
Hiqi syzet e diellit ndërsa unë derdh një lot
Asnjëherë nuk është koha e duhur
Vura mburojën time, për të treguar se sa i fortë jam
Vura mburojën time, për të treguar se këtu jam
Jam i pandalshëm
Unë jam një Porsche pa frena
Jam i pathyeshëm
Dhe unë ia dal të fitoj çdo lojë
Unë jam kaq i fuqishëm
Nuk kam nevojë për bateri për t’ja dalë mbanë
Jam kaq i sigurt
Edhe sot jam i pandalshëm
Vetëm kur jam vetëm mund të qaj me zë
Askush nuk mund ta dijë se çfarë fshihet brenda meje
Sepse është e fshehur shume mirë tek un
E di, e kam dëgjuar që duhet të lësh ndjenjat menjanë pasi kjo është mënyra e vetme që miqësitë të lulëzojnë.
Diskutime rreth kësaj post